ორგზის ოლიმპიური ჩემპიონი,ძიუდოისტი ლაშა ბექაური ლა ნუსიას ევროპის ღია პირველობის გამარჯვებულია. - 90 კგ. წონით კატეგორიაში მოასპარეზე ქართველმა პარიზის 2024 წლის ოლიმპიური თამაშების შემდეგ, პირველ ტურნირზე მიიღო მონაწილეობა და ოქროს მედალი მოიპოვა.
ესპანეთში მიმდინარე შეჯიბრებაზე, ბექაურმა ოქროს მედლისთვის გადამწყვეტ შეხვედრაში ესპანელი დანიელ ნიეტო ტრინიდადი 9 წამში იპონით დაამარცხა.
ფინალამდე ქართველმა ოთხ მეტოქეს სძლია.პირველ შეხვედრაში ავსტრიელ საიფ-ისლამ ისლამანოვს მოუგო, შემდეგფრანგი იოან ბენეზრა დაამარცხა, მეოთხედფინალში ნიდერლანდელ ტიგო რენესს სძლია, ნახევარფინალში კი ბრაზილიელ ჟოაო სეგატელესთან გაიმარჯვა.
ლაშა ბექაური მსოფლიოს პირველობისთვის ემზადება. მსოფლიოს ჩემპიონატი 13-19 ივნისს, უნგრეთის დედაქალაქ ბუდაპეშტში გაიმართება.
