დაძაბული მატჩი და 3 ოვერტაიმი, - ლეგენდარული ქართველი კალათბურთელისა და მწვრთნელის, ოთარ ქორქიას სახელობის სუპერთასი 2025 არის პირველი ფინალური მატჩი საქართველოს ისტორიაში, რომელშიც 3 ოვერტაიმი გათამაშდა.
გამარჯვებული თბილისის სახელმწიფო უნივერსიტეტის გუნდი თსუ გახდა. ლექსო ლაფანაშვილის გაწვრთნილმა გუნდმა აღნიშნული ტიტულის მოქმედ მფლობელ “ქუთაისი 2010”-ს მოუგო. გასული სეზონის ჩემპიონობა და თასიც ქუთაისელებმა მოიგეს, ამიტომაც მათ სუპერსათასო მატჩში მეტოქედ თსუ ჰყავდათ, რომელსაც აღნიშნული ტიტულები ფინალში მოუგეს.
გამარჯვებული ძირითად 40 წუთში ვერ გამოვლინდა და შემდეგ კიდევ 3 ხუთწუთიანი დამატებითი პერიოდი დასჭირდა, რომ საბოლოო ანგარიში დაფიქსირებულიყო –113:104 (სტატისტიკა)თსუ-ს სასარგებლოდ, რომელმაც აღნიშნული ტიტული ისტორიაში მესამედ (4 მცდელობიდან) მოიგო.
შეხვედრას ძირითადად თსუ იგებდა. ქუთაისი კი მდევრის როლში იყო, რომელმაც მესამე პერიოდის ბოლოა მოახერხა გათანაბრება და წინაც გავიდა. სირენასთან ერთად ჩაგდებული ორქულიანით თსუ-მ ანგარიში გაათანაბრა და ბოლო პერიოდის წინ ყველაფერი თავიდან დაიწყო.
შეხვედრის ძირითადი დრო 82:82 დასრულდა.
პირველი ოვერტაიმის ბოლოსაც ქუთაისელები იყვნენ მოგებასთან ახლოს. ალექსანდრე ფევაძე გახდა მატჩის გმირი, რომელმაც 6 წამში მოედნის სწრაფად გაირბინა, თსუს საჯარიმოში შესვლა და საშუალო მანძილიდან სროლა მოასწრო, ბურთი სირენის თანხლებით ჩავარდა და პირველი ოვერტაიმი ფრედ 90:90 დასრულდა.
მეორე ოვერტაიმი კი თსუ-ს უნდა მოეგო. ეს ფაქტობრივად გარდაუვალი ჩანდა, ქუთაისმა მოახერხა ბოლო წამზე გათანაბრება.
ბოლო, მესამე ოვერტაიმში ორივე გუნდიდან წამყვანი მოთამაშეების უმეტესობა პერსონალურების ლიმიტის გამო გავარდნილები იყვნენ. შეხვედრა პირადად მოიგო თსუ-ს ამერიკელმა ლეგიონერმა კურვოსიე მაკკოლიმ, რომელმაც ზედიზედ 8 ქულა (3 სამიანი და 2-იანი) ჩააგდო.
მატჩის შემდეგ გამართულ დაჯილდოვების ცერემონიალზე, მატჩის MVP-ის ტიტულიც და თასიც ალექსანდრე ფევაძემ ჩაიბარა. ეროვნული ნაკრების წევრს საუკეთესო მოთამაშის პრიზი სუპერლიგის დირექტორმა, კოკა კობიაშვილმა გადასცა, ხოლო ოთარ ქორქიას სახელობის სუპერთასი თსუ-ს კაპიტანს ვეტერანმა კალათბურთელმა, ნოდარ ქორქიამ გადასცა.
