დასრულდა ევროპა ლიგის მიმდინარე სეზონის მესამე ტურის მატჩები, რომლებიც საკმაოდ დაძაბული და საინტერესო გამოდგა.
ოთარ კიტეიშვილის გრაცის შტურმი სელტიკს ესტურმა და 1-2 დამარცხდა. მასპინძელთა მხრიდან გოლები სქეილსმა და ნიგრენმა გაიტანეს, ხოლო სტუმრებიდან თავი ჰორვატმა გამოიჩინა. მატჩი ძირითადი შემადგენლობიდან დაიწყო ოთარ კიტეიშვილმა და მოედანი 78-ე წუთზე დატოვა.
სამი ტურის შემდეგ, ევროპა ლიგის სატურნირო ცხრილს 9 ქულით მიდტიულანდი, ბრაგა და ლიონი ლიდერობენ. სელტიკი 4 ქულით 21-ე ადგილზეა, ხოლო შტურმი 3 ქულით 27-ე პოზიციას იკავებს.
ევროპა ლიგის მესამე ტურის შედეგები
საინტერესო მატჩები გაიმართა კონფერენს ლიგის მეორე ტურში, სადაც ტურნირის ერთ-ერთი მთავარი ფავორიტი, ფიორენტინა რაპიდს ესტუმრა და მეტოქეს სამი უპასუხო გოლი გაუტანა.
აღნიშნულ შეხვედრაში თავი ნდურმა, ჯეკომ და გუდმუნდსონმა გამოიჩინეს და ფლორენციელებს ორი ტურის შემდეგ 6 ქულა მოუგროვდათ. ფიორენტინას გარდა უდანაკარგოდ ასპარეზობენ აეკი, ცელიე, ლოზანა, სამსუნსპორი და მაინცი.
კონფერენს ლიგის მესამე ტურის შედეგები
