დაგეგმილი 3 ქულა — ლივერპულმა ვულვზი დაამარცხა

პრემიერ ლიგის 25-ე ტურის მორიგი მატჩი ენფილდზე გაიმართა, სადაც ერთმანეთს ლივერპული და ვულვზი დაუპირისპირდნენ. მაყურებელმა საკმაოდ დაძაბული და სანახაობრივი შეხვედრა იხილა, სადაც სტუმრებმა მერსისაიდელებს არაფერი დაუთმეს — ამის მიუხედავად, არნე სლოტის გუნდმა მძიმე ბრძოლაში, მნიშვნელოვანი 3 ქულა მოიპოვა. ლივერპულმა მეტოქე 2-1 დაამარცხა.

ლივერპულიდან გოლების გატანა ლუის დიასმა და მო სალაჰმა მოახერხეს. ხოლო ვულვზიდან ერთადერთი ბურთი მატეუს კუნიამ შეაგდო.

არნე სლოტის გუნდმა დაგეგმილი 3 ქულა მოიპოვა, რითაც პირველი ადგილი კიდევ უფრო გაიმყარა. ლივერპულს 25 ტურის შემდეგ, 60 ქულა აქვს და მეორე ადგილოსან არსენალს, 7 ქულით უსწრებს. რაც შეეხება ვულვზს, "მგლები" 19 ქულით, მე-17 პოზიციაზე დარჩნენ.