დე როსის შესაძლო დაბრუნება — რა ხდება რომაში?

2024/25 წლების სეზონის დაწყებიდან რამდენიმე კვირის შემდეგ, რომას ხელმძღვანელობამ მთავარი მწვრთნელი, დანიელე დე როსი დაითხოვა და მის ადგილზე ივან იურიჩი დანიშნა.

49 წლის ხორვატი სპეციალისტის კარიერა რომაულ კლუბში ნაკლებად შთამბეჭდავი გამოდგა — რომამ მისი ხელმძღვანელობით 5-დან 2 მატჩი მოიგო, 2 ფრედ დაასრულა და ერთხელ დამარცხდა.

რომას მმართველები ივან იურიჩის მოღვაწეობით უკმაყოფილოები არიან და მის შეცვლას უკვე აქტიურად განიხილავენ. ერთ-ერთი მთავარი კანდიდატი კი დე როსია, რომელიც კლუბმა 18 სექტემბერს დაითხოვა.

ყველაფერი, დიდი ალბათობით, სანაკრებო პაუზის შემდეგ მალევე გაირკვევა — თუ იურიჩი სერია ა-ში ინტერის და ევროპა ლიგაზე დინამოს კიევის წინააღმდეგ სასურველ შედეგს არ აჩვენებს, რომას დატოვება მოუწევს.