პარის სენ-ჟერმენისა და მონაკოს მატჩის წინ, Marca-მ ხვიჩა კვარაცხელიას სტატია მიუძღვნა. გამოცემამ აღნიშნა, თუ როგორი მნიშვნელოვანი მოთამაშეა ქართველი ვინგერი პსჟ-სთვის. ახალგაზრდა ფლანგელი "თავადებთან" შეხვედრას ტრადიციულად ძირითადიდან დაიწყებს.
"კვარაცხელია პარის სენ-ჟერმენის "ოქროს საგანძურია". მას არ ექცევა დემბელეს ან ვიტინიას მსგავსი ყურადღება, თუმცა სტატისტიკა და შეტევაში შეტანილი წვლილი ხვიჩას პსჟ-ს კიდევ ერთ ფარულ ლიდერად აქცევს. დღეს, ის ჯადოქრობის დემონსტრირებას ამჯერად მონაკოსთან ეცდება.
დედაქალაქურ გუნდში ქართველი შემტევის დასაწყისი უნაკლო იყო. პირველი ექვსი თვის განმავლობაში მან ისეთი თამაში აჩვენა, როგორსაც ცოტა ელოდა. ნეაპოლელთა ექს-ვინგერმა ითამაშა უდიდესი როლი ენრიგეს გუნდის წარმატებაში, მათ შორის ფინალშიც, ინტერთან. "
