ედვინ ვან დერ სარმა თანამედროვეობის სამი საუკეთესო მეკარე დაასახელა. ლეგენდარული კარის დარაჯის არჩევანი ასეთია - მანუელ ნოიერი, ტიბო კურტუა და ჯანლუიჯი დონარუმა. ნიდერლანდელმა ექს-გოლკიპერმა თავისი პოზიციის ევოლუციასაც გაუსვა ხაზი.
"საუკეთესო მეკარეები? მე ჯერ კიდევ ნოიერის გულშემატკივრად ვრჩები. უმძიმესი ტრავმის მიუხედავად, ის უმაღლეს დონეზე რჩება. ასევე გამოვარჩევდი კურტუასა და დონარუმას, ამ უკანასკნელს პარის სენ-ჟერმენში რამდენიმე მართლაც საოცარი სეზონი ჰქონდა. გოლკიპერის პოზიციამ განიცადა ევოლუცია და აღნიშნულმა კარის დარაჯებმა ამაში უდიდესი როლი ითამაშეს.
მანუელმა ფეხბურთის თამაშში ნამდვილი სიახლე შემოიტანა. იმ დროს ეს ყველაფერი ჩანდა წარმოუდგენელი, თუმცა დროთა განმავლობაში სხვა გოლკიპერებმაც დაიწყეს მის სტილში თამაში."
