შეძლებს თუ ვერა საქართველოს ნაკრები დასახულ მიზნამდე მისვლას და დაძლევს თუ ვერა ევრობასკეტის ჯგუფურ ეტაპს? - იმისთვის რომ ჩვენი გუნდი მიზნამდე მივიდეს პოტენციალი, შემართება და განწყობა ნამდვილად აქვს, - ყველაფერი დღეს გაირკვევა.
დღეს საქართველოს ნაკრები ლიმასოლში მიმდინარე C ჯგუფის ბოლო შეხვედრაში ბოსნია და ჰერცეგოვინას დაუპირისპირდება.
როგორ ხვდება საქართველოს ნაკრები ბოსნია და ჰერცეგოვინასთან მატჩს
საქართველოს ნაკრები წინა თამაშში ნაჩვენები შედეგიდან გამომდინარე, ამაღლებულ განწყობაზეა, ჯგუფში 2 მოგებით მეოთხე ადგილს იკავებს.
შეგახსენებთ, საქართველოს ნაკრებმა ევროპის ჩემპიონატი სენსაციური გამარჯვებით დაიწყო, ესპანეთს 83:69 მოუგო. ხმაურიანი სტარტის შემდეგ, ჩვენმა გუნდმა იტალიასთან 78:62 და საბერძნეთთან 53:94 წააგო. კვიპროსს კი დიდი სხვაობით, 61:93 მოუგო.
საქართველოს ნაკრების მთავარმა მწვრთნელმა, ალექსანდრ ჯიკიჩმა მომავალ მატჩს ომი უწოდა:
“ ბოსნია და ჰერცეგოვინასთან, გადამწყვეტი მატჩია და ვიცით, დაცვაში საკმარისი ძალა უნდა გამოვავლინოთ, მნიშვნელოვანია კალათბურთელები ჯანმრთელად შეხვდნენ თამაშს. ვიცით, მთელი მატჩი რთული ბრძოლა იქნება, ეს იქნება ორმოცწუთიანი ომი. ჩვენ ვიცით რისთვის ვიბრძვით და ახლასწორედ იქ ვართ, სადაც უნდა ვიყოთ.”
საქართველოს ნაკრებმა გუშინ სრული შემადგენლობით ივარჯიშა და დღევანდელ მატჩს ოპტიმალურ ფორმაში ხვდება.
რაც შეეხება FIBA-ს მსოფლიო რეიტინგს, ამ დროისთვის, ბოსნია და ჰერცეგოვინა 41-ე ადგილზეა, საქართველო 24-ე პოზიციას იკავებს, ევროპაში ბოსნია მეოცეა, საქართველო კი მე-14.
შეგახსენებთ, საქართველოს ნაკრები ჩვენი ქვეყნის ისტორიაში ზედიზედ, მეექვსე ევრობასკეტზე ასპარეზობს. 2022 წელს აღნიშნულ ტურნირზე ჩვენმა გუნდმა ჯგუფიდან გასვლა ვერ შეძლო.
ბოსნია და ჰერცეგოვინა
ბოსნია და ჰერცეგოვინა მარტივი მეტოქე რომ არ არის, - ეს 2022 წლის ევრობასკეტზეც კარგად გამოჩნდა, როცა ჯგუფურ ეტაპზე სლოვენია დაამარცხა, სლოვენიელებმა მაშინ ჯგუფში აღნიშნულის გარდა ყევლა მატჩი მოიგეს. ხმაურიანი გამარჯვების მიუხედავად, ბოსნია და ჰერცეგოვინამ მაშინ ჯგუფური ეტაპი ვერ დაძლია. ბოსნიელებმა მიმდინარე ევრობასკეტზეც შეძლეს ხმაურიანი გამარჯვების მოპოვება, C ჯგუფში დაუმარცხებელ საბერძნეთს 77:80 მოუგეს, მიუხედავად იმისა რომ ვრობასკეტზე დიდი დანაკლისით ჩავიდნენ, გუნდის ლიდერი ჯანან მუსა ტრავმის გამო ნაკრებს ვერ ეხმარება.
ბოსნიელებმა ლიმასოლში ასპარეზობა კვიპროსთან დამაჯერებელი გამარჯვებით (91:64) დაიწყეს, მეორე შეხვედრა ესპანეთთან 88:67 წააგეს, შემდეგ იტალაისთან 79:96 დათმეს, რასაც საბერძნეთთან გამარჯვება მოჰყვა.
შესაბამისად, საქართველოს დღევანდელი მეტოქე ამაღლებულ განწყობაზეა, თუმცა საქართველომ ტურნირის მოქმედ ჩემპიონ ესპანეთს სძლია და ბოსნიელებს გააზრებულია აქვთ ვის ეთამაშებიან.
ბოსნიელთა რიგებში გასარკვევია კაპიტნის თამაშის ბედი, მირალემ ჰალილოვიჩს მიმდინარე ევრობასკეტზე ტრავმის გამო არ უთმაშია. საქართველოს დღენავნდელ მეტოქეს კიდევ ერთი პრობლემა ექნება, მთავარი მწვრთნელის, ადის ბეჩირაგიჩის თქმით, ნატურალიზებული ამერიკელი ჯონ რობერსონმა შეკრების სრულად გავლა ვერ შეძლო, მიუხედავად ამისა, რობერსონი შესაბამის კონდიციაში არ არის, საბერძნეთთან თამაში მაინც მოუწია.
ბოსნია და ჰერცეგოვინას ნაკრების შეამდგენლობა ევრობასკეტზე:
იუსუფ ნურკიჩი (“იუტა”, NBA), ამარ ალიბეგოვიჩი ( “ტრაპანი” იტალია), დინ ატიჩი (“ბოსნა”), მირალემ ჰალილოვიჩი (“ბოსნა”), ამარ გეგიჩი (კლუბის გერეშე), აიდინ პენავა (“შლიონსკი”, პოლონეთი), ალექსანდარ ლაზიჩი (“ჰანგჟუ”, ჩინეთი), ადინ ვრაბაცი (“ჟოლნოკი,” უნგრეთი), ადნან არსლანაგიჩი (კლუბის გარეშე); ტარიკ ჰრელია (“იგოკეა”), კენან კამენიაში (“დუბაი”);
ჯგუფიდან გასვლის შანსი
რაც შეეხება სატურნირო მდგომარეობას, ამ დროისთვის C ჯგუფს 7 ქულით საბერძნეთი ლიდერობს, მეორე იტალიაა ასევე 7 ქულით, მესამე ადგილს ესპანეთი იკავებს 2 მოგებით, მეოთხეზე საქართველოა ასევე 2 მოგებით, ბოსნია და ჰერცეგოვინამაც 2 გამარჯვება მოიპოვა და მეხუთეზეა, კვიპროსმა ოთხივე მატჩი წააგოდა ბოლოა.ჯგუფიდან 4 საუკეთესო გადის.
საქართველოს ნაკრები დღეს თუ გაიმარჯვებს პლეიოფში თამაში გარანტირებული აქვს. წაგების შემთხვევაშიც ექნება შანსი, მაგრამ ეს და თუ რომელი ადგილით გავა გუნდებსა და ქულათა შეფარდებაზეიქნება დამოკიდებული. თუ საბერძნეთი ესპანეთს მოუგებს,საქართველოს წაგების შემთხვევაშიც ექნება ჯგუფიდან გასვლის შანსი.
პლეიოფში C ჯგუფის მეოთხეადგილოსანი D ჯგუფის გამარჯვებულს შეხვდება, მესამეადგილოსანი მეორე ადგილზე გასულს, მეორე-მესამეს, გამარჯვებული - მეოთხეს.
დღეს C ჯგუფის კიდევ 2 მატჩი გამართება, იტალია - კვიპროსი 19:15 საათზე დაიწყება, ესპანეთი - საბერძნეთის მატჩი 22:30 საათზეა ჩანიშნული.
ევრობასკეტი 2025 ოთხ ქვეყანაში – ლატვიაში, ფინეთში, პოლონეთსა და კვიპროსში ტარდება. აღნიშნულ ქვეყნებში ტურნირის თითო ჯგუფი 6 ნაკრების შემადგენლობით ასპარეზობს და 4 საუკეთესოს დღეს გამოვლინდებას. ჯგუფებიდან ჯამში გასული 16 ნაკრები მეორე ეტაპს პლეი-ოფს ლატვიის დედაქალაქ რიგაში ჩაატარებს, სადაც კონტინენტის ჩემპიონის ვინაობა გაირკვევა.
