პარიზელთა მთავარი მწვრთნელი ყველასთვის ცნობილი ლუის ენრიკეა, რომელსაც კვარასთან გადაკვეთა 4 წლის წინ ჰქონდა და მისი თამაშით მოიხიბლა.
2021 წლის მარტში, მსოფლიო ჩემპიონატის საკვალიფიკაციო ეტაპზე საქართველო შინ ესპანეთს დაუპირისპირდა და 1:2 დამარცხდა. ის ერთადერთი გოლი სწორედ კვარამ გაიტანა და გარდა გოლისა, ბრწყინვალე შეხვედრა ჰქონდა.
"კვარაცხელია ახალგაზრდა და ძალიან ნიჭიერი ფეხბურთელია. თუ პროგრესს ასე გააგრძელებს, მას მალე დიდ გუნდში ვიხილავთ", - ეს ესპანეთის მაშინდელი მწვრთნელის, ლუის ენრიკეს მატჩისშემდგომი სიტყვებია.
ამ სიტყვებიდან ზუსტად 4 წლის თავზე, ყველაფერი ახდა - კვარა დიდ გუნდში ითამაშებს და თან, ხვიჩას მწვრთნელი ის იქნება, ვინც მას დიდი მომავალი უწინასწარმეტყველა.
