ბარსელონას ყოფილმა ნახევარმცველმა, ემანუელ პეტიმ გააკრიტიკა პარის სენ-ჟერმენის მეკარე, ლუკას შევალიე. ვეტერანი ფეხბურთელის თქმით, პსჟ-ს, ფრანგ გოლკიპერთან ერთად დიდი ტურნირების მოგება გაუჭირდება. კატალონიელთა ყოფილმა შუახაზელმა ის ჯიჯო დონარუმასაც შეადარა.
"პარის სენ-ჟერმენის კარში გატანილი მეორე გოლი თავიდან ბოლომდე შევალიეს ბრალი იყო. დონარუმას გასულ სეზონში აკრიტიკებდნენ ბევრს და სრულიად სამართლიანადაც, მაგრამ ის დიდ თამაშებში ყოველთვის დამაჯერებელი იყო. ჯიჯო უმაღლეს დონეზე თამაშობდა.
იტალიელ მეკარესთან ერთად, იგრძნობოდა, რომ პსჟ-ს შეეძლო რაღაც გრანდიოზულისთვის მიღწევა, ლუკასი კი არ არის ის კარის დარაჯი, რომელიც მათ დიდ ტურნირებს მოაგებინებს. ფრანგი გოლკიპერი ბევრ შეცდომას უშვებს"
