მანჩესტერ იუნაიტედის ყველა დროის საუკეთესო ბომბარდირმა, უეინ რუნიმ დაასახელა საუკეთესო მეწყვილე შეტევაში, რომლის გვერდითაც მას უთამაშია. ბევრს ეგონა, რომ ინგლისელი ექს-ფორვარდი დაასახელებდა კრიშტიანუ რონალდუს, მაგრამ ის კარლოს ტევესის ვარიანტისკენ გადაიხარა.
"საუკეთესო მეწყვილე შეტევაში, ვის გვერდითაც მითამაშია? ასეთი თავდამსხმელი ჩემთვის ტევესია. პრესა თავდაპირველად ჩვენს დუეტს უყურებდა სკეპტიკურად, იმის გამო, რომ სათამაშო სტილით ერთმანეთს ძალიან ვგავდით, მაგრამ მე და კარლიტოსმა ეს გამოწვევად მივიღეთ.
ერთმანეთს ვუთხარით - "ვაჩვენოთ მათ, რომ ცდებიან". ვთამაშობდით აგრესიულად, ბევრს ვშრომობდით და ვმოძრაობდით, ამავდროულად კი ძალიან კარგად შეთამაშებულები ვიყავით. არგენტინელი ფორვარდის გვერდით თამაში დიდი ბედნიერება იყო."
