კერძოდ, "მეთოფეები" მზად არიან გუნდიდან ჯამში 19 ფეხბურთელი გაუშვან, მათ შორის ახალგაზრდებიც, ვისაც დიდი სათამაშო დრო ისედაც არ ეძლეოდა.
ამ 19 ფეხბურთელიდან ზოგს არსენალი იჯარის წესით გაუშვებს, ზოგს კონტრაქტს არ გაუხანგრძლივებს, ზოგს კი სარფიანი შემოთავაზების შემთხვევაში, გაყიდის.
აღნიშნულ მოთამაშეებს შორის არიან ეგვიპტელი ნახევარმცველი მოჰამედ ელნენი, რომელიც გუნდს 2016 წელს შეუერთდა და პორტუგალიელი სედრიკ სოარესი.
არსენალი კვლავ აგრძელებს მოლაპარაკებებს შემტევ ამარიო კოზიერ-დუბერთან, მეკარე კარლ ჰეინთან და მცველ რუელ უოლტერსთან კონტრაქტის შესაძლო გახანგრძლივების შესახებ.
ეს უკანასკნელი კლუბის ხელმძღვანელობას შეხვდა და უთხრა, რომ თუ მომავალ სეზონში სათამაშო დრო კვლავ არ მიეცემა, ურჩევნია გუნდიდან წავიდეს.
რა თქმა უნდა, ფეხბურთელების გაშვების შემდეგ არსენალი რამდენიმე ფეხბურთელს დაიმატებს, გაძლიერდება და ახალ სეზონს უფრო დიდი მიზნებით შეხვდება.
