დინამო თბილისმა საქართველოს ნაკრების ფეხბურთელი დაიმატა

სატრანსფერო ფანჯრის დახურვამდე რამდენიმე დღით ადრე, დინამო თბილისმა მორიგი ტრანსფერი განახორციელა.

LaGazzetta.ge-ს ინფორმაციით, საქართველოს ნაკრების ფეხბურთელი გიორგი ზარია კარიერას დინამო თბილისში გააგრძელებს.

ზარია ბოლოს ყაზახურ კაირათში თამაშობდა, სადაც ჩემპიონატი და თასი მოიგო და ჩემპიონთა ლიგის ჯგუფის ფაზაშიც ითამაშა.

შეგახსენებთ, რომ 28 წლის ნახევარმცველი სწორედ დინამო თბილისის აღზრდილია და ამ გუნდში 5 წელი თამაშობდა, რის შემდეგაც დინამო ბათუმში გადავიდა.

ბოლო პერიოდში, ვილი სანიოლი ზარიას ეროვნულ ნაკრებშიც იძახებდა. რაც შეეხება დინამო თბილისს, ეროვნული ლიგის პირველ მატჩს გუნდი 7 მარტს, სპაერის წინააღმდეგ გამართავს;