საუთჰემპტონის ლეგენდარული გამთამაშებელი, მეტ ლე ტისიე გიორგი მამარდაშვილისა და ჟერემი დოკუს ეპიზოდს შეეხო. შეგახსენებთ, ქართველი გოლკიპერის ბელგიელ ვინგერთან კონტაქტის შემდეგ, ლივერპულის კარში დაინიშნა 11-მეტრიანი, რომელიც ერლინგ ჰოლანდმა ვერ გამოიყენა. მიზეზი: მერსისაიდელთა კარის დარაჯის სეივი.
"მამარდაშვილისა და დოკუს ეპიზოდი? რთულია დაზუსტებით იმის თქმა, იყო თუ არა საკმარისი კონტაქტი, იმისთვის, რომ პენალტი დანიშნულიყო. ალბათ, ამ სიტუაციას შევაფასებდი უკეთ, ეპიზოდი ცოცხლად რომ მენახა. ტელევიზორში ნაჩვენები გამეორება ზოგჯერ არასწორ შთაბეჭდილებას გიქმნის.
პირადად მე, მიმაჩნია, რომ კონტაქტი ძალიან მინიმალური იყო. პატივისცემა ლივერპულის მეკარეს, რომელმაც პენალტის დარტყმის მომენტში ბრწყინვალე სეივი განახორციელა. ცხადია, ეს ეპიზოდი კამათის საბაბი ყოველთვის იქნება."
