"შავ-ყვითლების" მწვრთნელის გული თავიდანვე ამ გუნდს ეკუთვნოდა. 2012 წლის ჩემპიონობის დროს, ის ტრიბუნებზე იმყოფებოდა და გუნდის დანარჩენ ქომაგებთან ერთად ზეიმობდა გამარჯვებას.
41 წლის მწვრთნელი თავის პირველ ჩემპიონობასთან ძალიან ახლოს იყო გასულ სეზონში, თუმცა სიგნალ იდუნა პარკზე დრამა გათამაშდა - საჭირო იყო მაინცთან მოგება, მაგრამ მიზნის მიღწევა ვერ მოხერხდა.
რაც შეეხება მიმდინარე სეზონს, ბუნდესლიგაში ნაჩვენები არასახარბიელო შედეგების გამო, ტერზიჩი არაერთხელ ყოფილა გათავისუფლების პირას, თუმცა ფინალში გასვლამ ყველაფერი გადაწონა. გერმანელი დამრიგებელი თავის საყვარელ დორტმუნდში საკუთარ ისტორიას წერს.
