შეხვედრა საკმაოდ დრამატულად წარიმართა - "არისტოკრატები" აგებდნენ 0:2-ს, თამაშის მიმდინარეობისას კი არჩათვლილი გოლებიც ვიხილეთ.
ანგარიში გახსნეს მასპინძლებმა, მარკ კუკურელიას ავტოგოლის შემდეგ. მაურისიო პოჩეტინოს გუნდის პასუხმა არ დააყოვნა, თუმცა ნიკოლას ჯექსონის გოლი მსაჯმა არ ჩათვალა.
მორგან როჯერსმა მოგვიანებით სხვაობა გაზარდა ორბურთამდე და თითქოს ყველაფერი ჩელსის მორიგი მარცხისკენ მიდიოდა.
ლონდონელებმა თამაშში სრულფასოვნად დაბრუნება მოახერხეს ნონი მადუეკეს გოლით, 81-ე წუთზე კი კონორ გალაჰერმა წონასწორობა აღადგინა.
მატჩის დასრულებისას მაყურებელმა დაძაბულობა და რამდენიმე საკამათო მომენტიც იხილა, თუმცა საბოლოო შედეგი მაინც ფრე იყო.
