შავმა ლომმა სამხრეთ აფრიკული ტურნე გამარჯვებით დაიწყო — ქართულმა ფრანჩაიზმა ტოიოტა ჩიტასი დაძაბულ ბრძოლაში 39-38 დაამარცხა.
აღნიშნული შეხვედრის პირველი ტაიმი მასპინძელთა უპირატესობით წარიმართა და 21-15 დასრულდა. შესვენების შემდეგ, ქართველმა მორაგბეებმა სათამაშო ინიციატივა ჩაიგდეს ხელში და მეტოქეს 1 ქულით სხვაობით, 39-38 აჯობეს.
შეგახსენებთ, რომ სამხრეთ აფრიკული ტურნეს ფარგლებში შავი ლომის და ჩიტასის მეორე დაპირისპირებაც შედგება, რომელიც 26 ოქტომბერს, თბილისის დროით 17 საათზე აიღებს სტარტს.
