ფეხბურთელი მიიჩნევს, რომ ის უკვე ტოპ კლუბში თამაშობს, ამიტომ არაა საჭირო იტალიის დატოვება და სხვა ქვეყანაში კარიერის გაგრძელება. ვლაჰოვიჩის თანხმობა აგენტს უკვე აქვს, ჯუნტოლი კი ხელშეკრულების განახლებაზე მუშაობს. კლუბის სპორტულ დირექტორსა და აგენტ დარკო რისტიჩს შორის, ძალიან კარგი ურთიერთობაა. მხარეები ერთმანეთს რამდენიმე დღის წინ კიდევ ერთხელ შეხვდნენ ტურინში.
კონტრაქტის დეტალები - როდესაც მხარეებს შორის 2022 წელს ახალი ხელშეკრულება გაფორმდა, დუშანს კონტრაქტის მიხედვით ყოველ წელს ხელფასი გაეზრდებოდა. საწყის ეტაპზე, წელიწადში 7.5 მილიონ ევროს იღებდა, ახლა კი ფეხბურთელი 10 მილიონ ევრომდე გამოიმუშავებს. ბოლო, 2026 წელს კი სერბი 12 მილიონს მიიღებს კლუბისგან. იუვენტუსში უკვე ამუშავებენ ახალ კონტრაქტს და ყველა დეტალს ყურადღებით განიხილავენ. "ბიანკონერის" ფეხბურთელის შენარჩუნება 2028 წლამდე სურს, რაზეც სერბი თანახმაა, ახლა დარჩენილია კონტრაქტის სხვა დეტალების შეთანხმება.
Fabiana Della Valle © RCS MEDIAGROUP
