"ყველა დროის საუკეთესო მებრძოლები? - პირველ ადგილზე ჩემთვის სენ-პიერია. მეორეზე - ალდო, მესამე ადგილს კი თოფურიასა და სტერლინგს შორის გავყოფდი. საოცნებო მეტოქეს რაც შეეხება, აქამდე იყო მაკგრეგორი, მაგრამ მას დავუმეგობრდი და ახლა კოსტასთან ბრძოლაზე ვფიქრობ", - განაცხადა 33 წლის ქართველმა მებრძოლმა.
დვალიშვილმა ყველა დროის 3 საუკეთესო მებრძოლი დაასახელა
UFC-ის წევრმა, მერაბ დვალიშვილმა, შერეული საბრძოლო ხელოვნებების ისტორიაში ყველა დროის სამი საუკეთესო მებრძოლი დაასახელა. შეგახსენებთ, ქართველის შემდეგი მეტოქე, უდიდესი ალბათობით, შონ ო'მალი იქნება, მაგრამ ბრძოლა ჯერ ოფიციალურად დადასტურებული არ არის. თუ რაიმე გაუთვალისწინებელი არ მოხდა, "მანქანა" ამერიკელს სექტემბერში დაუპირისპირდება.
