ჩემპიონთა ლიგის ნახევარფინალური მატჩი პსჟ-სა და ბაიერნს შორის, მასპინძელთა გამარჯვებით 5:4 დასრულდა. მატჩის შემდეგ კომენტარი პარიზელთა თავკაცმა ლუის ენრიკემ გააკეთა.
"არაჩვეულებრივი მატჩი იყო, სადაც ორივე გუნდმა უმაღლესი დონის ფეხბურთი შემოგვთავაზა. ძალიან დაღლილი ვარ, არადა კილომეტრიც არ გამირბენია. ვულოცავ ორივე გუნდს და გულშემატკივარს, რომ ასეთი თამაში შედგა.
მატჩი უნდა გავაანალიზოთ. იყო ასპექტები, რისი გამოსწორებაც გვჭირდება. როცა ასეთი დონის მოთამაშეებს უპირისპირდები, თავის დაცვა რთულია და 4 ბურთი გავუშვით.
ხვალიდან უკვე მომავალ მატჩზე უნდა ვიფიქროთ. ბაიერნის სტადიონზე ჩემპიონთა ლიგის თასი ავწიეთ და კარგი მოგონებები გვაკავშირებს. თუ იგივე მენტალიტეტს გამოვავლენთ, იმ მატჩსაც მოვიგებთ", - განაცხადა ენრიკემ.
