ალბანეთში მიმდინარე U20 ძალოსანთა ევროპის ჩემპიონატზე წარმატებით იასპარეზა მარიამ მურღვლიანი (+86 კგ.).
ქართველმა ძალოსანმა მთავარი მწვრთნელის, თემურ ჯანჯღავასა და მწვრთნელის, ილია თვალოძის ხელმძღვანელობით, ატაცში 100 / 104 / 107 კგ. დაძლია, ვერცხლის მედალი მოიპოვა და ვიცე-ჩემპიონი გახდა.
მარიამმა აკვრაში 124 / 128 კილოგრამი დაძლია და ვერცხლის პრიზიორი გახდა. ორჭიდში დაგროვებული 235 კილოგრამითაც ევროპის ვიცე-ჩემპიონობა იზეიმა.
მარიამმა 3 ვერცხლის მედალი დაისაკუთრა და საქართველოს რეკორდებიც დაამყარა. ქვეყნის სარეკორდი ზღვარი ატაცში 8, აკვრაში 5, ხოლო ორჭიდში 13 კილოგრამით გააუმჯობესა.
