პარიზის ოლიმპიური თამაშებით დასრულდა ძიუდოს მორიგი ციკლი და დაიწყო ახალი, 4 წლიანი პერიოდი, რომელიც 2028 წელს, ლოს ანჯელესში დაგვირგვინდება.
ძიუდოს საერთაშორისო ფედერაციამ, ოფიციალურად წარმოადგინა ცვლილებები წესებში და მისი ამოქმედება 2025 წლის პარიზის გრანდ სლემისთვის დააანონსა.
1) იუკოს დაბრუნება — ახალი წესებით მიხედვით, გდების შეფასებას დაემატება იუკო, რომელიც რამდენიმე წლის წინ გაუქმდა. შესაბამისად, 2025 წლიდან ძუდოისტების გდებები იუკო, ვაზარი და იპონით შეფასდება.
2) ტატამიზე თავის შეხება აღარ დაისჯება — ძიუდოისტებს ამიერიდან შესაძლებლობა ექნებათ შეტევის ან თავდაცვის დროს თავი გამოიყენონ. ტატამიზე თავის შეხება კადეტებში დარჩება აკრძალული.
3) კიმონოს მკლავის და ქამრის ქვეშ ჩავლება — ნებადართული ხდება აღნიშნული ტიპის ჩავლება შეტევის დროს. გარდა ამისა, შეტევის დროს ძიუდოისტს შესაძლებლობა ექნება ქამრის დაბლა აიღოს ჩავლება.
4) 30 წამი შეტევისთვის — ძიუდოისტს დომინანტური ჩავლების აღებიდან შეტევისთვის 30 წამი ექნება დრო, წინააღმდეგ შემთხვევაში დაისჯება შიდოთი.
5) ე.წ დათვის ჩავლება ნებადართული ხდება — ძიუდოისტს ერთდროულად ორივე ხელით მეტოქის წელში შესვლა და ჩავლების აღება შეეძლება. აღნიშნული ჩავლება დასჯადი მხოლოდ მაშინ იქნება, როდესაც ხელების შემოხვევის დროს წრე შეიქმნება.
6) გაუქმებული შიდო ტატამის დატოვებისთვის — თუ ძიუდოისტი ტატამის უნებლიედ დატოვებს, მსაჯი მას აღარ გააფრთხილებს და ორთაბრძოლა განახლდება.
აღნიშნული წესების დეტალურ IJF მოგვიანებით გააკეთებს, სადაც წარმოდგენილი იქნება ვიზუალური მასალები მეტი თვალსაჩინოებისთვის.
ძიუდოს საერთაშორისო ფედერაციამ ახალი წესები დაამტკიცა
