დღეს, ეროვნული ლიგის 27-ე ტურის ხუთივე მატჩი გაიმართება. განსაკუთრებით დიდ ინტერესს დინამო არენაზე გასამართი მატჩი იწვევს, სადაც დინამო თბილისი გორის დილას უმასპინძლებს.
გორელები სატურნირო ცხრილის ლიდერები არიან, საოცარ ფორმაში შევიდნენ და ყველა საკვანძო თამაშს იგებენ. მათ კიდევ ერთი დიდი გამოცდა ელით, რადგან დინამო თბილისს ქულები სჭირდება, სამეულისთვის იბრძვის და უშუალო კონკურენტებთან უპირატესობა მცირეა.
საინტერესო იქნება გაგრასა და იბერიას მატჩი. კარგ ფორმაში შესული გაგრა გასულ ტურში თელავთან დამარცხდა და სიტუაციის გამოსწორებას მოქმედ ჩემპიონებთან შეეცდება.
თავის მხრივ, იბერიას ახალი მთავარი მწვრთნელი ჰყავს - ახალგაზრდა სპეციალისტის გუგა ნერგაძის თავკაცობით იბერია დღეს მინდორზე პირველად გავა.
ტური ფოთის კოლხეთისა და დინამო ბათუმის მატჩით გაიხსნება. ფოთელები ბოლო ადგილზე არიან და მათთვის დღეს გამარჯვება მნიშვნელოვანია.
27-ე ტურის კალენდარი
3 ოქტომბერი
14:30 კოლხეთი - დინამო ბათუმი
15:00 გარეჯი - ტორპედო
20:00 გაგრა - იბერია
21:00 სამგურალი - თელავი
21:00 დინამო თბილისი - დილა
