ეროვნული ლიგის ბოლოსწინა ტურში საკმაოდ საინტერესო მატჩები გაიმართა. ტურის ცენტრალური შეხვედრა დინამო არენაზე შედგა, სადაც დინამო თბილისმა ქუთაისის ტორპედოს უმასპინძლა.
ქართულ კლასიკოში ოსეი ბარნსმა დინამო დააწინაურა, თუმცა ტაიმის მიწურულს ჩემპიონატის ბომბარდირმა ბიორნ იონსენმა წონასწორობა აღადგინა. 64-ე წუთზე ნინუამ ავტო-გოლი გაიტანა, თუმცა ბოლო წამზე ანგარიში დონკორმა გაათანაბრა და მატჩი 2:2 დასრულდა.
ზედიზედ მეორე ჩემპიონობას უახლოვდება იბერია.თბილისელებმა გარეჯი 4:0 გაანადგურეს და თუ ბოლო ტურში გაგრას დაამარცხებენ, ჩემპიონები გახდებიან. მატჩის გამორჩეული მოთამაშე ამირან ძაგანია იყო, რომელმაც დუბლი გაიფორმა. თითო-თითო გოლი დადიანის და გოშთელიანის ანგარიშზეა.
იბერიას უშუალო კონკურენტმა დილამ თავისი მატჩი მოიგო და კოლხეთი 4:1 დაამარცხა, თუმცა ბოლო ტურში, თავის თავზე დამოკიდებული არ არის და იბერიას ფეხის დაცდენის მოლოდინშია.
