აღსანიშნავია, რომ ამ მატჩამდე არცერთ გუნდს მოგება არ ჰქონდა. სამტრედიამ საკუთარ მოედანზე აუტსაიდერი სამგურალი 2:0 დაამარცხა და სეზონის პირველი გამარჯვება იზეიმა.
პირველ ტაიმში თავი რევაზ ინჯგიამ დუბლით გამოიჩინა, მეორე ნახევარში მასპინძლებმა თავი კარგად დაიცვეს და საქმე ბოლომდე მიიყვანეს.
თელავში გამართული მატჩი ადგილობრივ თელავსა და გაგრას შორის, 1:0 დასრულდა. პირველი ტაიმის ბოლოს ერთადერთი გოლის ავტორი ჯეფერსონ ჯერალდო გახდა.
ტური ცენტრალური შეხვედრით დასრულდა. დინამო არენაზე შეკრებილმა გულშემატკივარმა სანახაობრივი მატჩი და გოლები იხილა.
დინამო თბილისი დილას დაპირისპირებაში, დებიუტანტმა ვასილიოს გორდეზიანმა, 29-ე წუთზე, ვახტანგ სალიას საგოლე გადაცემით ანგარიში გახსნა. დრამემ მეორე ტაიმის სტარტზე კი ანგარიში გაათანაბრა.
ასისტის შემდეგ, 16 წლის სალიამ გოლიც გაიტანა და დინამო კვლავ წინ გაიყვანა, თუმცა 89-ე წუთზე შეყილაძემ ანგარიში გაათანაბრა და საბოლოო შედეგი დააფიქსირა - 2:2.
ასე გამოიყურება ეროვნული ლიგის ცხრილი 6 ტურის შემდეგ:
