მიუხედავად იმისა, რომ ანგარიში თელავმა გახსნა, სამტრედია მთელი თამაში დიდ უპირატესობას ფლობდა. არდაზიშვილის პასით უბილავამ გაიტანა, მეორე ნახევარში კი თავად არდაზიშვილმა კუთხურიდან ჩაახვია და სამტრედიას 2:1 მოაგებინა.
სენსაცია დააფიქსირა აუტსაიდერმა გაგრამ. ისინი იბერიას მთელი თამაში უგებდნენ და ახლოს იყვნენ დიდ გამარჯვებასთან, თუმცა ბოლო წუთზე გაუშვეს და მატჩი 1:1 დასრულდა.
ჩემპიონობისთვის მებრძოლმა ტორპედომ სამგურალი საკუთარ მოედანზე მიიღო. პირველ ნახევარში მოედნიდან გუნდის კაპიტანი მერაბ გიგაური გააძევეს. მიუხედავად ამისა, ქუთაისელთა ლიდერმა და ბომბარდირმაიონსენმა პენალტი მოიპოვა, თავადვე გაიტანა და ტორპედომ 1:0 მოიგო, რითიც ლიდერობა გაიმყარა.
საოცრად დრამატული გამოდგა დინამო თბილისისა და კოლხეთის მატჩი. ფოთელებმა პირველი ნახევარი კლიმოვისა და აბუაშვილის გოლებით მოიგეს, თუმცა მეორე ნახევარში სულ სხვა დინამო ვიხილეთ. ავტო-გოლი დათუაშვილმა გიატანა, სანტოსმა ანგარიში გაათანაბრა, 94-ე წუთზე კი გორდეზიანმა გამარჯვების გოლი გაიტანა - 3:2 და ქამბექი დინამოსგან.
ტურის ბოლო მატჩი გორში შედგა. ასევე ჩემპიონობისთვის მებრძოლმა დილამ ქულები კვლავ გაანიავა და შინ დინამო ბათუმთან წააგო. აღსანიშნავია, რომ ბათუმელებმა ჩემპიოანტში ხანგრძლივი მოუგებელი სერია შეწყვიტეს. პირველი უგოლო ტაიმის შემდეგ, მეორე ნახევარში ანგარიში მუჯირმა გახსნა, გომისმა მცველების შეცდომით ისარგებლა და ბათუმი 2-ბურთიანი სხვაობით გაიყვანა წინ, ბოლო წუთზე მალიმ თავის კარში გაიტანა, თუმცა ამან არაფერი შეცვალა და ბათუმმა 2:1 მოიგო.
