დღეს, ეროვნული ლიგის მე-7 ტურის სამი შეხვედრა გაიმართა. დინამო არენაზე დინამო თბილისმა ტყიბულის მეშახტეს უმასპინძლა და ფრედ 1:1 ითამაშა.
შეხვედრაში ანგარიშინანა-კოფი დონკორიმ საოცარი დრიბლინგით გახსნა, თუმცა მალევე, ცოტნე ფაცაციამ ასევე ლამაზი გოლით უპასუხა. მეორე ნახევარში დინამოს ოსეი გაუძევეს, თუმცა შედეგი არ შეცვლილა და მატჩი 1:1 დასრულდა.
პარალელურად, წყალტუბოს სამგურალმა გორის დილას უმასპინძლა. სეზონის მძიმე სტარტის შემდეგ, გორელებმა სტუმრადმამინ სანიანგის მიერ 87-ე წუთზე გატანილი გოლის წყალობით 1:0 მოიგეს.
უხვგოლიანი გამოდგა გაგრასა და ტორპედოს მატჩი, სადაც ქუთაისელები მე-5 წუთზე ვლადიმერ მამუჩაშვილმა დააწინაურა, მის გოლის ანდრი ანდრეიჩუკმა უპასუხა, 58-ე წუთზე,ილია სკრიპნიკის გოლით გაგრა წინ გავიდა, მაგრამ ფელიპე პირესმა ანგარიში გაათანაბრა და მატჩი 2:2 დასრულდა.
ხვალ, ეროვნული ლიგის მე-7 ტურის კიდევ ორი შეხვედრა გაიმართება. სპაერი რუსთავს, ხოლო დინამო ბათუმი იბერიას უმასპინძლებს.
