დღეს და ხვალ ეროვნული ლიგის მე-7 ტურის შეხვედრები გაიმართება. ტური დინამო არენაზე გაიხსნება, სადაც დინამო თბილისი დებიუტანტ მეშახტეს უმასპინძლებს.
პირველ ტურში მოგებული მატჩის შემდეგ, დინამო თბილისს ცუდი პერიოდი უდგას და ზედიზედ 5 მატჩია არ მოუგია, რასაც ვერ ვიტყვით მეშახტეზე. მიუხედავად იმისა, რომ მეშახტეს და დინამოს თანაბარი 7-7 ქულა აქვთ, ტყიბულელებმა ქულები ლიდერებს წაართვეს, დილას მოუგეს, იბერიასთან კი ფრე ითამაშეს.
საინტერესო მატჩი შედგება წყალტუბოში, სადაც სამგურალი დილას უმასპინძლებს. გორელებს ეს თამაში აუცილებლად მოსაგები აქვს, რადგან სეზონი არც თუ ისე წარმატებულად დაიწყეს და მხოლოდ 7 ქულა აქვთ.
აუტსაიდერი გაგრა ტორპედოს უმასპინძლებს. ცუდი სტარტის შემდეგ, ტორპედომ თამაში შედარებით გამოასწორა და ბოლო 4 მატჩიდან 3 მოიგო.
ტური ხვალ გაგრძელდება. მოქმედი ჩემპიონი იბერია დინამო ბათუმს ესტუმრება, ტური კი სპაერისა და რუსთავის მატჩით დაიხურება. რაც არ უნდა გასაკვირი იყოს, ეროვნული ლიგის ეს ორი ახალწვეული გუნდი ერთ-ერთი ლიდერები არიან და 10-10 ქულით მეორე-მესამე პოზიციას იყოფენ.
ეროვნული ლიგის მე-7 ტური
17 აპრილი
19:00 დინამო თბილისი - მეშახტე (დინამო არენა, თბილისი)
19:00 სამგურალი - დილა (საფეხბურთო ცენტრი, წყალტუბო)
21:00 გაგრა - ტორპედო (დავით პეტრიაშვილი, თბილისი)
18 აპრილი
19:00 დინამო ბათუმი - იბერია (ბათუმი არენა, ბათუმი)
21:00 სპაერი - რუსთავი (მიხეილ მესხი 2, თბილისი)
