დინამო თბილისი-ტორპედო
როგორც წესი, ქართულ კლასიკოს ფავორიტი არ ჰყავს ხოლმე და ამ შემთხვევაშიც ასე იყო. დაძაბული მატჩი 16 წლის ვახტანგ სალიას გოლით დინამოელებმა მოიგეს (1:0). სალიამ ანგარიში 33-ე წუთზე გახსნა და დინამოს მნიშვნელოვანი 3 ქულა მოუტანა.
იბერია-სამტრედია
ტურის ყველაზე უხვგოლიან შეხვედრაში ანგარიში შოთა ნონიკაშვილმა გახსნა, ტაიმის მიწურულს სამტრედიელებმა ანგარიში გაათანაბრეს, თავი ომრან ჰაიდარმა გამოიჩინა. 63-ე წუთზე შეიკნე სილამ იბერია კვლავ წინ გაიყვანა და თითქოს ყველაფერი დაასრულა, თუმცა შეცვლაზე შემოსულმა დიტო ფაჩულიამ შორეული დარტმით სამტრედიას ქულა გადაურჩინა - 2:2.
კოლხეთი-გაგრა
გაგრელებმა მიმდინარე სეზონში ზედიზედ მესამე მარცხი განიცადეს. გიორგი ლომთაძემ სტუმრები დააწინაურა, თუმცა 44-ე წუთზე კაკუბავამ ავტოგოლი გაიტანა. 57-ე წუთზე კი ლაშა კოხრეიძემ ამ სეზონში მორიგი გოლი გაიტანა. კოლხეთმა 2:1 გაიმარჯვა.
დილა-თელავი
გორელები ამ სეზონს კარგად მომზადებულები შეხვდნენ და ზედიზედ მესამე გამარჯვება იზეიმეს. 34-ე წუთზე თელაველთა მეკარე ბექა ქუდაძე მოედნიდან გააძევეს, რის შემდეგაც დილას უპირატესობა საგრძნობი გახდა. დილას ლეგიონერმა ტაირელ ვაუტერიმ 36 წუთზე ანგარიში გახსნა. მეორე ტაიმში მასპინძლებმა ანგარიში შეინარჩუნეს და 1:0 მოიგეს.
დინამო ბათუმი-სამგურალი
გორის მსგავსად, ამ სეზონში სამიდან სამი გამარჯვება აქვს ბათუმს. აჭარლებმა საკუთარ მოედანზე სამგურალი მინიმალური ანგარიშით, 1:0 დაამარცხეს. ერთადერთი გოლი, ტაიმის მიწურულს, დინამოელთა კაპიტანმა მამუკა კობახიძემ გიორგი წიტაიშვილის საგოლე გადაცემით გაიტანა.
სატურნირო ცხრილი
