გერმანია - უნგრეთი:
დიუსელდოლფში შეკრებილმა მაყურებელმა საყვარელი გუნდის ტოპ პერფორმანსი იხილა. ნაგელსმანის გუნდმა უნგრეთი ყველა კომპონენტში დაჯაბნა, რაც ლოგიკურად ანგარიშშიც აისახა. გერმანელებმა მეტოქეს ხუთი უპასუხო გოლი გაუტანეს. თავი ნიკლას ფულკრუგმა, ჯამალ მუსიალამ, ფლორიან ვირცმა, ალექსანდარ პავლოვიჩმა და კაი ჰავერცმა გამოიჩინეს.
ნიდერლანდები - ბოსნია და ჰერცეგოვინა:
სანახაობრივი მატჩი გაიმართა ეინდჰოვენში, სადაც ნიდერლანდებმა ბოსნია და ჰერცეგოვინა უშანსოდ, 5:2 დაამარცხა. კუმანის გუნდის მხრიდან თავი ჯოშუა ზირკზემ, ტიჯანი რეინდერსნმა, კოდი გაკპომ, ვუტ ვეგჰორსტმა და ჩავი სიმონსმა გამოიჩინეს. სტუმართა მხირდან ორი გოლის გატანა ერმედინ დემიროვიჩმა და ედინ ჯეკომ შეძლეს. მესამე ჯგუფს ორი ფავორიტი ნაკრები ჰყავს: ნიდერლანდები და გერმანია, რომლებმაც პირველ ტურში მარტივ გამარჯვებას მიაღწიეს.
ირლანდია - ინგლისი:
გუშინ საქმეში ჩაერთო B დივიზიონის ყველაზე ძლიერი ნაკრები ინგლისი. ლი ქარსლის გუნდის მეტოქე პირველ ტურში, საკმაოდ პრინიცპული იყო, კერძოდ ირლანდია. შეხვედრა დუბლინში გაიმართა, სადაც 55 000-ზე მეტმა მაყურებელმა დაძაბული დაპირისპირება იხილა. ინგლისმა მეტოქეს ორი უპასუხო გოლი გაუტანა, თავი კი ისეთმა ფეხბურთელებმა გამოიჩინეს, რომლებიც წლების წინ ირლანდიური ფეხბურთის ამომავალ ვარსკვლავებად ითვლებოდნენ. შეხვედრის მე-11 წუთზე დეკლან რაისმა გაიტანა, 26-ე წუთზე კი ჯეკ გრილიშმაც შეძლო თავისი გოლის გატანა.
უკრაინა - ალბანეთი:
საქართველოს ეროვნული ნაკრებისთვის საინტერესო მატჩი გაიმართა პრაღაში, სადაც უკრაინა ალბანეთს დაუპირისპირდა და მძიმე ბრძოლაში 1-2 დამარცხდა. რებროვის გუნდმა საშინაო მატჩი ნეიტრალურ სტადიონზე ჩაატარა.
მატჩში პირველი გოლის გატანა კონოპლიამ შეძლო, თუმცა აქედან ზუსტად 17 წუთში, ალბანეთმა ქამბექი შემოგვთავაზა. თავი ჯერ ისმაილმა გამოიჩინა, შემდეგ კი ასანიმ დააფიქსირა შეხვედრის საბოლოო ანგარიში, 1:2. პირველ ჯგუფს საქართველოს ნაკრებთან ერთად ალბანეთი ლიდერობს, მეორე ტურში კი სწორედ ამ ორი ნაკრების დაპირისპირებას ვიხილავთ. მატჩი 10 სექტემბერს გაიმართება, კერძოდ ტირანაში, თბილისის დროით 22:45 საათზე.
B დივიზიონის კიდევ ერთი მატჩი გაიმართა საბერძნეთში, სადაც იოვანოვიჩის გუნდმა ფინეთი საკმაოდ მარტივად, 3-0 დაამარცხა.
C დივიზიონში ორი შეხვედრა ვიხილეთ. გამოსარჩევი იყო სომხეთის პერფორმანსი ლატვიის წინააღმდეგ. პეტრაკოვის გუნდმა მეტოქე საკმაოდ მარტივად, 4:1 დაამარცხა. რაც შეეხება მეორე მატჩს, ფარერების კუნძულები და ჩრდილოეთ მაკედონია ფრეს დასჯერდნენ, 1:1.
და ბოლოს, D დივიზიონი, სადაც მხოლოდ ერთი დაპირისპირება ვიხილეთ. მოლდოვამ სახლში მარტივი გამარჯვება მოიპოვა — კლსკენკოს გუნდმა მალტას 2:0 სძლია და ჯგუფის ლიდერი გახდა.
