დასრულდა უეფას ერთა ლიგის 2024/25 წლების სეზონის მე-5 ტურის მორიგი მესამე სათამაშო დღე და გულშემატკივარმა 19 გატანილი გოლი იხილა.
A დივიზიონში, გერმანიამ საკუთარ მოედანზე ბოსნია და ჰერცეგოვინის ნაკრები მიიღო და 7 უპასუხო გოლი გაუტანა. დუბლი ვირცმა და კლაინდინსტმა გაიფორმეს, ხოლო თითო გოლი მუსიალას, ჰავერცის და სანეს ანგარიშზეა. ნიდერლანდებმა კი უნგრეთს უმასპინძლა და მარტივად, 4-0 დაამარცხა. აღნიშნულ მატჩში გოლები ვეგჰორსტმა, გაკპომ, დუმფრისმა და კოპმაინერსმა გაიტანეს.
B დივიზიონის პირველ ჯგუფში ორივე მატჩი ფრედ დასრულდა — საქართველომ უკრაინასთან, ხოლო ალბანეთმა ჩეხეთთან გაიყო ქულები. ბოლო ტურის წინ ჯგუფის მოგების შანსს საქართველო, ჩეხეთი და ალბანეთი ინარჩუნებენ. მე-4 ჯგუფში თურქეთმა უელსი მიიღო და მატჩი უგოლოდ დასრულდა, მონტენეგრო კი საკუთარ კედლებში ისლანდიასთან 0-2 დამარცხდა.
C დივიზიონის პირველ ჯგუფში, ლიდერები დაუპირისპირდნენ ერთმანეთს, სადაც შვედეთმა სლოვაკეთი დაამარცხა და ჯგუფის გამარჯვებული გახდა. აზერბაიჯანის და ესტონეთის დაპირისპირება კი ფრედ, 0-0 დასრულდა.
D დივიზიონში ერთი მატჩი გაიმართა, მოლდოვამ ანდორა გასვლაზე 0-1 დაამარცხა და C დივიზიონის საგზური გაინაღდა. მალტა და ანდორა კი ბოლო ტურში პლეი-ოფში გასასვლელად იბრძოლებენ.
ერთა ლიგა: გერმანიამ ბოსნიას 7 უპასუხო გოლი გაუტანა
