ანტონიო კონტე კვლავ სერია ა-ს ჩემპიონია, ამჯერად ნაპოლისთან ერთად. ის გახდა პირველი მწვრთნელი ისტორიაში, რომელმაც სკუდეტოს მოგება 3 კლუბთან ერთად შეძლო. "პარტენოპეიმდე", იტალიელ ტაქტიკოსს აღნიშნული ტიტული მოუპოვებია ტურინის იუვენტუსსა და მილანის ინტერთან ერთად.
საერთო ჯამში კი ეს არის რიგით მეხუთე სერია ა-ს ჩემპიონობა "აძურის" ამჟამინდელი მწვრთნელის კარიერაში. მასზე მეტჯერ სკუდეტო მოუგია მხოლოდ 2 სპეციალისტს: ჯოვანი ტრაპატონისა (7) და მასიმილიანო ალეგრის (6). 55 წლის ტაქტიკოსისგან განსხვავებით, მათ ეს 2 კლუბით შეძლეს.
შეგახსენებთ იმასაც, კონტეს ანგარიშზე ასევე არის პრემიერ ლიგის ჩემპიონობა ლონდონის ჩელსისთან ერთად. გამოდის, რომ ევროპის ტოპ 5 ლიგის ტრიუმფატორი იტალიელი ტაქტიკოსი სხვადასხვა დროს 4 კლუბთან ერთად გამხდარა.
