მანჩესტერ იუნაიტედის ყოფილმა მცველმა, რიო ფერდინანდმა ლივერპულის სატრანსფერო ფანჯარა შეაფასა. ყოფილმა ფეხბურთელმა აღნიშნა, რომ მერსისაიდელებს გამოუვიდათ საუკეთესო ფანჯარა, რაც კი აქამდე ჰქონიათ. ამის მიუხედავად, ვეტერანი ინგლისელი უკანახაზელი თვლის, რომ "წითლებს" მარკ გეჰის სახით ერთი მოთამაშე მაინც დააკლდათ.
"თუ გადახედავთ ლივერპულის ტრანსფერებს, ნახავთ, რომ გუნდმა სატრანსფერო ფანჯარა საუკეთესოდ გამოიყენა. მოქმედმა ჩემპიონმა კონკურენტებთან შედარებით დიდი უპირატესობა მოიპოვა. ყველაფერი შესრულდა, გეჰის ტრანსფერის გარდა და მერსისაიდელებს ისიც რომ გაეფორმებინათ, მართლა ყველაფერს მოიგებდნენ."
შეგახსენებთ, რომ "წითლებმა" იყიდეს ალექსანდერ ისაკი, ფლორიან ვირცი, უგო ეკიტიკე, ჯერემი ფრიმპონგი, მილოშ კერკეზი, ჯოვანი ლეონი და არმინ პეჩი. ამის გარდა, ენფილდის ბინადრებმა ვალენსიადან გიორგი მამარდაშვილიც დაიბრუნეს.
