გააგრძელებს თუ არა საქართველოს ნაკრები ზედიზედ მეორე მსოფლიოს ჩემპიონატზე მოსახვედრად ბრძოლას? - ამ კითხვაზე რამდენიმე საათში, გამარჯვების შემთხვევაში, უკვე დადებითი პასუხი გვექნება.
დღეს “თბილისი არენაზე” საქართველოს კალათბურთელთა ეროვნული ნაკრები მსოფლიოს ჩემპიონატის პირველი ეტაპის საკვალიფიკაციო შეხვედრაში დანიას უმასპინძლებს. ჩვენმა გუნდს ამ დროისთვის 4 მატჩიდან 2 წაგება და 1 მოგება აქვს, დღეს დანიასთან გამარჯვების შემთხვევაში ოფიციალურად გაინაღდებს მომდევნო ეტაპის საგზურს.
საქართველოს ნაკრებმა 27 თებერვალს დანია სტუმრად 89:71 დაამარცხა.
ჩვენმა გუნდმა გუშინ მასპინძელ არენაზე ივარჯიშა. ალეკსანდარ ჯიკიჩმა ყურადღება დაცვაზე გაამახვილა. რაც შეეხება შემადგენლობას, დანიასთან მატჩისთვის შემადგენლობაში ცვლილება არ იქნება, თბილისში ის 12 კალათბურთელი იქნება განაცხადში, რომლებიც კოპენჰაგენურ მატჩში იყვნენ.
საქართველოს ნაკრების შემადგენლობა:
რატი ანდრონიკაშვილი, მარკის რიდი, გიორგი ოჩხიკიძე, მათე ხატიაშვილი, კახა ჯინჭარაძე, დუდა სანაძე, ალექსანდრე მერკვილაძე, ალექსანდრე ფევაძე, ვილი ისიანი, თორნიკე შენგელია, გიორგი კორსანტია, გიორგი ტურძილაძე.
დანიის ნაკრებს ჯგუფში სამიდან სამი წაგება აქვს. ღევანდელ შეხვედრაში ვერ ითამშებენ იფე ლუნდბერგი, შეივონ შილდსი და კევინ ლარსენი.
დანიის ნაკრების შემადგენლობა:
გუსტავ დრეიერი, დანე ერიკსტრუპი, ადამ ჰეედე-ანდერსენი, ტობიას იენსენი, ზარკო ჯუკიჩი, ჯონათან კლუსმანი, გუსტავ კნუდსენი, სილვესტერ ბერგ პედერსენი, დავიდ კრისტენსენი, აუგუსტ ენგელჰარდტ მიოლერი, მაგნუს მოლგაარდი, ოგბემუდია უაგბოე.
საქართველოსა და დანიის მატჩი , დღეს თბილისი არენაზე 21:00 საათზე დაიწყება.
მსოფლიოს 2027 წლის ჩემპიონატის საკვალიფიკაციო ტურნირის ფორმატი:
პირველ საკვალიფიკაციო ჯგუფიდან 3 ნაკრები გადის. ასევე 3 საუკეთერსო სხვა ჯგუფიდან (საბერძნეთი, მონტენეგრო, პორტუგალია, რუმინეთი) გადმოვა და შედგება 6-გუნდიანი ჯგუფი.
პირველი ეტაპზე ერთმანეთში ნაჩვენები შედეგები გუნდებს მე-2 ჯგუფში გადაჰყვებათ და იქ მხოლოდ იმ გუნდებს შეხვდებიან, რომლებთანაც მანამდე არ უთამაშიათ (მატჩები 2026 წლის აგვისტო-ნოემბერში და 2027 წლის თებერვალში ჩატარდება).
საბოლოო ჯამში, ჯგუფების 3-3 საუკეთესო ნაკრები (ჯამში 12) მსოფლიოს ჩემპიონატზე თამაშის უფლებას მოიპოვებს. ბოლო 2 მატჩი ივლისში გაიმართება და დღეს თუ საქართველოს ნაკრები გაიმარჯვებს, ბოლო შეხვედრების შედეგი გადაწყვეტს, რომელი ადგილით გავა ჩვენი გუნდი. ივლისში თბილისში ესპანეთს ვუმასპინძლებთ, უკრაინასთან სტუმრად ვეთამაშებით. აღსანიშნავია, რომ ამ შეხვედრებში მონაწილეობის
