მსოფლიო ჩემპიონატის საკვალიფიკაციო ეტაპის მეხუთე ტურში საქართველოს ნაკრები ესპანეთის ეროვნულ გუნდთან საკუთარ კედლებში 0:4 განადგურდა. აღნიშნულ შეხვედრას გამოეხმაურა ავტორიტეტული მარკა, რომელმაც ხაზი გაუსვა იმ ფაქტს, თუ რა რთულია "ლა როხას" წინააღმდეგ თამაში.
"ფეხბურთის თამაში იოლია, თუმცა ესპანეთივით თამაში - რთული. ეს ნაკრები ბევრს აშინებს - ერთი გუნდი თამაშობს, მეორე კი მხოლოდ თვალყურს ადევნებს და იმედი აქვს, რომ საკუთარ ისტორიაში ანტირეკორდს არ დაამყარებს. ქართველებმა გადარჩენის მცდარი ტაქტიკა აირჩიეს.
მხოლოდ საოცრებას შეეძლო გადაერჩინა მამარდაშვილის კარი ასეთი დაძაბულობისგან. ამ მეკარემ ერთ კვირაში ითამაშა რეალთან, სიტისა და "ლა როხასთან". უსამართლო იქნება, არ აღვნიშნოთ, რომ გიორგიმ დიდებულად ითამაშა სამივე შეხვედრაში. "
