პრემიერ ლიგის 33-ე ტურში მანჩესტერ სიტიმ არსენალს 2-1 მოუგო და სატურნირო ცხრილში პირველ ადგილთან სხვაობა 3 ქულამდე შეამცირა. ამ ყველაფერს კი ისიც ემატება, რომ "ქალაქელებს" ერთი მატჩით ნაკლები აქვს ჩატარებული, რის ფონზეც საჩემპიონო მარათონი კიდევ უფრო დაიძაბა.
შეხვედრის დასრულების შემდეგ, არსენალის მთავარმა მწვრთნელმა მიკელ არტეტამ მედიასთან ისაუბრა.
"ერთი შესაძლებლობა დავკარგეთ, მაგრამ კიდევ ხუთი გვაქვს.
მატჩის შეფასება? როდესაც ამდენი საგოლე მომენტი გექმნება, რაც შეიძლება ბევრი გოლი უნდა გაიტანო და სამი ქულა მოიპოვო.
ჩვენ არ ვაპირებთ გაჩერებას და ისევ გავაგრძელებთ ბრძოლას მიზნის მისაღწევად - ეს დანამდვილებით შემიძლია გითხრათ.
ტიტულისთვის ბრძოლა დღეს დასრულდა? რა თქმა უნდა არა. ხუთი თამაშია წინ, მათ 6 შეხვედრა აქვთ ჩასატარებელი - ამ მომენტისთვის კი სამი ქულით წინ ვართ, ჯერ კიდევ ბევრია სათამაშო."
