ბერგამოს ატალანტას განადგურების შემდეგ, მატჩის საუკეთესო ფეხბურთელმა, ხვიჩა კვარაცხელიამ კომენტარი გააკეთა. შეგახსენებთ, რომ "ლა დეას" კარში გატანილი მე-2 ბურთი სწორედ ქართველი ვინგერის აქტიურობას მოჰყვა.
"ჩემი გოლი? სიმართლე გითხრათ, ნამდვილად არ მახსოვს, თავიდან უნდა ვუყურო. რომელს ვამჯობინებ, ამ გოლს თუ ასტონ ვილას წინააღმდეგ? გოლს ასტონ ვილასთან. მიხარია, რომ ვითამაშე, ლანსთან მიღებული ტრავმის შემდეგ, მქონდა პრობლემები, მაგრამ ექიმებმა მითხრეს, რომ ყველაფერი რიგზეა.
კარგად ვითამაშეთ, ჩვენი საქმე შევასრულეთ და გავიმარჯვეთ. უმჯობესდება თუ არა ჩვენი გუნდი? დიახ, ყოველდღე ვმუშაობთ და უკეთესები ვხდებით. შედეგით რა თქმა უნდა კმაყოფილი ვარ."
