დღეს საქართველოს კალათბურთელთა ნაკრებმა ევრობასკეტზე მეოთხე მატჩი გამართა და მეორე გამარჯვება იზეიმა. ჩვენი გუნდი ლიმასოლში ევრობასკეტის ერთ-ერთ მასპინძელ კვიპროსის ნაკრებს დაუპირისპირდა და 61:93 გაიმარჯვა.
საქართველოსნაკრების ასპარეზობის შესახებ, ჩვენი გუნდის მთავარმა მწვრთნელმა, ალექსანდრ ჯიკიჩმა ისაუბრა:
“მინდა პატივისცემა გამოვხატო კვიპროსის ნაკრების მიმართ. ბოლომდე იბრძოდნენ და ეს დასაფასებელია. რაც შეეხება ჩვენს თამაშს, სროლები გამოვიყენეთ, თამაში ყოველთვის უფრო მარტივია, როცა სამქულიანებს აგდებ.
რაც შეეხება მორიგ შეხვედრას ბოსნია და ჰერცეგოვინასთან, გადამწყვეტი მატჩია და ვიცით, მეტოქემ დღეს საბერძნეთს მოუგო. დაცვაში საკმარისი ძალა უნდა გამოვავლინოთ, მნიშვნელოვანია კალათბურთელები ჯანმრთელად შეხვდნენ თამაშს.
ვიცით, მთელი მატჩი რთული ბრძოლა იქნება, ეს იქნება 40 წუთიანი ომი.
ჩვენ ვიცით რისთვის ვიბრძვით და ახალ სწორედ იქ ვართ, სადაც უნდა ვიყოთ.”
საქართველოს ნაკრები ჯგუფური ეტაპის დასკვნით შეხვედრას4 სექტემბერს, ბოსნია და ჰერცეგოვინას ნაკრებთან გამართვას. მატჩი თბილისის დროით, 16:00 საათზე დაიწყება.
