მატჩის დასრულების შემდეგ მედიასთან ნაკრების კაპიტანმა გურამ კაშიამ ისაუბრა:
"თამაშის შეფასებას რაც შეეხება, პირველ ტაიმში ძალიან მაღალი ხარისხის ფეხბურთი ვითამაშეთ, განსაკუთრებით წინა ხაზში. რამდენი მომენტიც შევქმენით, იმდენი გოლი გავიტანეთ და ეს იყო ერთ-ერთი საუკეთესო პირველი ტაიმი, რაც ჩვენს ნაკრებს უთამაშია. არ ვიცი ჩვენ ვითამაშეთ მაგრად თუ მოწინააღმდეგემ სუსტად, მაგრამ ვფიქრობ ასეთი სიამოვნება ჯერ არ მიმიღია პირველ ტაიმში ნაჩვენები თამაშით.
საბა გოგლიჩიძე არის უნიჭიერესი ფეხბურთელი, რომელიც ძალიან დიდი დანამატია ნაკრებისთვის. არის სწრაფი, ფიზიკურად ძალიან ძლიერი, ახალგაზრდა და მისი სახით საქართველოს ნაკრებმა შეიძინა ძალიან მაგარი ცენტრალური მცველი. დღეს ძალიან დიდი სიამოვნება მივიღე მის გვერდით თამაშით."
