ბარსელონას ყოფილმა თავდამსხმელმა, კრისტოფ დიუგარიმ ლივერპულისა და პარის სენ-ჟერმენის მოახლოებულ დაპირისპირებაზე ისაუბრა. ფრანგი ექს-ფორვარდის აზრით, პსჟ-სთვის აღნიშნული დუელი იქნება მარტივი გასეირნება, იმდენად, რომ შესაძლოა ყველაფერი პირველივე შეხვედრაში გადაწყდეს.
"პარის სენ-ჟერმენისთვის ლივერპულთან დაპირისპირება მარტივი გასეირნება იქნება. ინგლისური გუნდი ამ სეზონში უბრალოდ კატასტროფულია: 10 წაგება და 7 ფრე შიდა ჩემპიონატში. მერსისაიდელებს არ ჰყავთ ცუდი მოთამაშეები, უბრალოდ მათ გუნდურობა აქვთ დაკარგული.
არ გამიკვირდება, რომ პსჟ-მ ამ დაპირისპირების ბედი გადაწყვიტოს პირველივე მატჩში, რადგან "წითლები" მათ კოლოსალურად ჩამორჩებიან. ენფილდის ბინადრებმა იმ სიტისგან, რომელიც ასევეა ცუდ ფორმაში, 4 ბურთი გაუშვეს. წარმოიდგინეთ, რა იქნება "ლურჯ-წითლებთან" დუელში?!", - განაცხადა "ბლაუგრანას" ექს-ფორვარდმა.
