უეფას ერთა ლიგის 2024/25 წლების სეზონის მეორე 1/2 ფინალური მატჩი უხვგოლიანი გამოდგა, სადაც ესპანეთმა საფრანგეთს 5-4 მოუგო და ფინალში გავიდა.
შეხვედრის ანგარიში ნიკო უილიამსმა 22-ე წუთზე გახსნა, ხოლო ზუსტად 3 წუთში მერინომ აიღო საფრანგეთის კარი და ესპანეთმა პირველი ტაიმი დამაჯერებლად მოიგო.
მეორე ნახევრის დებიუტში, 54-ე წუთზე იამალმა სხვაობა სამამდე, 1 წუთში კი პედრიმ გამოიჩინა თავი. 59-ე წუთზე, მბაპემ ერთი ბურთი გაქვითა, რასაც 67-ე წუთზე კვლავ იამალის გოლი მოჰყვა. 79-ე, 84-ე და 94-ე წუთებზე, საფრანგეთმა ზედიზედ სამი ბურთი გაიტანა. თუმცა, ეს საკმარისი არ გამოდგა და ესპანეთმა ერთა ლიგის ფინალის საგზური მოიპოვა, სადაც პორტუგალიას დაუპირისპირდება.
ესპანეთი 5-4 საფრანგეთი
გოლები: 1-0 უილიამსი (22'), 2-0 მერინო (25'), 3-0 იამალი (54'), 4-0 პედრი (55'), 4-1 მბაპე (59'), 5-1 იამალი (67'), 5-2 შერკი (79'), 5-3 ვივიანი (ავტოგოლი)(84'), 5-4 კოლო მუანი (90+3')
ერთა ლიგის მიმდინარე სეზონის ფინალური მატჩი, სადაც ერთმანეთს პორტუგალიის და ესპანეთის ეროვნული ნაკრებები დაუპირისპირდებიან 8 ივნისს, ალიანს არენაზე გაიმართება.
