ესპანეთის ლა ლიგა 2-ში გამართული მატჩი კადისსა და ალბასეტეს შორის, მასპინძელთა გამარჯვებით 2:1 დასრულდა.
ყველაფერი იქითკენ მიდიოდა, რომ მატჩი ფრედ უნდა მორჩენილიყო, თუმცა მასპინძლებს გმირად ქართველი შემტევი იური ტაბატაძე მოევლინა.
ტაბატაძე მოედანზე 87-ე წუთზე შევიდა, 92-ე წუთზე გამარჯვების გოლი გაიტანა და კადისს 3 ქულა მოუტანა.
აღსანიშნავია, რომ ეს ტაბატაძის პირველი მატჩი იყო ახალი გუნდის რიგებში.
