ჩემპიონთა ლიგის 1/8 ფინალში პსჟ საკუთარ მოედანზე ჩელსის დაუპირისპირდა და 5:2 დაამარცხა. მატჩის საუკეთესო ფეხბურთელი ხვიჩა კვარაცხელია იყო, რომელიც შეცვლიდან შევიდა და დუბლითა და საგოლე გადაცემით გამოირჩა.
მატჩის შემდეგ, ლეგენდარულმა ფეხბურთელმა ტიერი ანრიმ კვარას თამაში შეაფასა.
"ყველამ ვიცით, თუ რა დონის ფეხბურთელია კვარაცხელია და ეს კიდევ ერთხელ გამოჩნდა. პირველ ეპიზოდში, მას დარტყმა თავად შეეძლო, თუმცა ვიტინიას მისცა პასი.
ეტყობოდა, რომ კვარა სკამზე დასმით გაბრაზებული იყო, მაგრამ ხვიჩას და მისი გუნდის სიძლიერეც იმაშია, რომ ეს გაბრაზება მან საქმით დაამტკიცა.
კვარა მოედანზე სწორი დამოკიდებულებით შევიდა და თამაშში გარდატეხა შეიტანა - 2 გოლი და საგოლე გადაცემა", - განაცხადა ანრიმ.
