სლოვაკეთში, ევროპის ახალგაზრდული ჩემპიონატის ჯგუფური ეტაპი გრძელდება. მაყურებელმა დღეს კიდევ 4 შეხვედრა იხილა, სადაც საკმაოდ საინტერესო შედეგები დაფიქსირდა.
თავისი მატჩები მოიგეს ტურნირის ფავორიტებმა — გერმანიამ სლოვენიას აჯობა, ხოლო ინგლისმა ჩეხეთს. ორივე გუნდმა საკმაოდ მარტივი 3-3 ქულა მოიპოვა.
სენსაციურად ქულები დაკარგა ნიდერლანდების ნაკრებმა, რომელიც ფინეთს დაუზავდა. ხოლო რაც შეეხება კიდევ ერთ მატჩს, დანიამ უკრაინა საკმაოდ სანახაობრივ ბრძოლაში დაამარცხა.
ჩეხეთი 1-3 ინგლისი
გერმანია 3-0 სლოვენია
ფინეთი 2-2 ნიდერლანდები
უკრაინა 2-3 დანია
ჯგუფური ეტაპის მეორე ტურის მატჩები სტარტს 14 ივნისს აიღებს. საქართველოს 21-წლამდე ნაკრები მეორე ტურის მატჩს საფრანგეთთან ჩაატარებს. ჩვენი ნაკრებისთვის ერთ-ერთი ყველაზე მნიშვნელოვანი დაპირისპირება თბილისის დროით 23:00 საათზე დაიწყება.
