ევრობასკეტ 2025 წლის ჩემპიონი გერმანიის ნაკრები გახდა. რამდენიმე წუთის წინ რიგაში დასრულდა ფინალური მატჩი თურქეთისა და გერმანიის ნაკრებებს შორის. დაძაბული მატჩი გერმანელთა გმარჯვებით დასრლდა 83:88.
პირველი მეოთხედი თურქებმა აქტიურად დაიწყეს, თუმცა გერმანიამ მაინც გაიმარჯვა, 22:24, პირველი ტაიმი თურქეთმა მოიგო 46:40, მესამე მეოთხედიც თურქების გამარჯვებით, 67:66 დასრულდა. მატჩის ბოლო წუთები განსაკუთრებით დაძაბული აღმოჩნდა, დენის შრიოდერმა მატჩის მიწურულს გერმანიას 6 ქულა შესძინა და გერმანელებმა ჩემპიონობა იზეიმეს - 83:88.
ჩემპიონთა რიგებში ყველაზე მეტი 20 ქულა აიზეკ ბონგამ დააგროვა.
გერმანიის ნაკრებმა 2025 წლის ევრობასკეტზე წაუგებლად იასპარეზა, 9 მატჩი ჩაატარა და ყველა მოიგო.
გემანიის ნაკრები ევრობასკეტის ჩემპიონი ისტორიაში მეორედ გახდა, გერმანელებს აქამდე ჩემპიონობა 1993 წელს ჰქონდათ მოპოვებული, 2005 წელს ვერცხლის მედალი დაისაკუთრეს, 2022 წლის ევრობასკეტზე კი გერმანია მესამე ადგილზე გავიდა.
ამ დროისთვის, გერმანიის ნაკრები მსოფლიოსა და ევროპის მოქმედი ჩემპიონია.
2025 წლის ევრობასკეტის ბრინჯაოს პრიზიორი საბერძნეთის ნაკრები გახდა, ბერძნებმა ფინეთის ნაკრებს 92:86 მოუგეს.
რაც შეეხება საქართველოს ნაკრებს, 2025 წლის ევრობასკეტი ჩვენი გუნდისთვის ისტორიული აღმოჩნდა, რადგან ჩვენმა გუნდმა ისტორიაში პირველად შეძლო ევრობასკეტის მეოთხედფინალში თამაში. საქართველოს ნაკრებმა ჯგუფური ეტაპირ პირველ შეხვედრაში 2022 წლის ევრობასკეტის ჩემპიონი ესპანეთი დაამარცხა, მერვედფინალში კი მორიგი სენსაციური გამარჯვება მოიპოვა და ასპარეზობას საფრანგეთის ნაკრები გამოთიშა.
