ევროპის ჩემპიონატისთვის მზადების ფარგლებში საქართველოს ეროვნულმა საკალათბურთო ნაკრებმა, მეორე სპარინგ-მატჩი გამართა. ჩვენი გუნდი ესტონეთს დაუპირისპირდა და 75:70 წააგო.
საქართველოს ნაკრებს ოპტიმალური შემადგენლობით ისევ არ უთამაშია. სანდრო მამუკელაშვილი ნაკრებს კაუნასში, 8 აგვისტოს უერთდება, ხოლო გოგა ბითაძეს ფეხი მსუბუქად აწუხებდა და მწვრთნელებმა მისი მოედანზე გასვლა აღარ გარისკეს.
წინა მატჩისგან განსხვავებით, მოედანზე იყო კამარ ბოლდუინი, რომლის პირველი მატჩი დიდი პაუზის შემდეგ საქართველოს ნაკრებში დამაკმაყოფილებელი იყო.
ჩვენს ნაკრებში 18 ქულითა და 4 მოხსნით საუკეთესო თორნიკე შენგელია იყო. 11-11 ქულა ბექა ბურჯანაძემ და გიორგი კორსანტიამ (პლუს 7 მოხსნა) მიითვალეს. გიორგი შერმადინის ანგარიშზე 10 ქულა დაგროვდა. კამარ ბოლდუინმა შეხვედრა 7 ქულითა და 4 პასით დაასრულა.
შეგახსენებთ, ლიტვაში შეკრებაზე მყოფმა საქართელოს ნაკრებმა პირველი სპარინგ მატჩი 4 აგვისტოს ისრაელთან გაამრთა.
საქართველოს ნაკრები ლატვიას ხვალ ლიეტუვაშიგაემგზავრება. ალეკსანდარ ჯიკიჩის გაწვრთნილი გუნდი მორიგ ამხანაგურ მატჩს კაუნასში, ლიეტუვას ნაკრებთან გამართავს.
საქართველოს კალათბურთელთა ნაკრები ევრობასკეტისთვის მოსამზადებელ ეტაპის ფარგლებში კიდევ 4 მატჩს გამართავს:
ლიეტუა VS საქართველო - 10 აგვისტო
პოლონეთი VS საქართველო - 14 აგვისტო
ჩეხეთი VS საქართველო - 19 აგვისტო
ჩეხეთი VS საქართველო - 21 აგვისტო
ევრობასკეტ 2025 ოთხ ქვეყანაში – ლატვიაში, ფინეთში, პოლონეთსა და კვიპროსში გაიმართება. აღნიშნულ ქვეყნებში ტურნირის თითო ჯგუფი 6 ნაკრების შემადგენლობით შეიკრიბება და 4 საუკეთესოს გამოავლენს. ჯგუფებიდან ჯამში გასული 16 ნაკრები მეორე ეტაპს პლეი-ოფს ლატვიის დედაქალაქ რიგაში ჩაატარებს, სადაც კონტინენტის ჩემპიონი გამოვლინდება.
საქართველოს ნაკრები კვიპროსში, მასპინძელ ნაკრებთან, იტალიასთან, ბოსნია და ჰერცეგოვინასთან, ესპანეთთან და საბერძნეთთან ერთად იასპარეზებს.
