ევროპა და კონფერენს ლიგა — 1/8 ფინალისტების ვინაობა ცნობილია

დასრულდა ევროპა და კონფერენს ლიგის 2024/25 წლების სეზონის პლეი-ოფის განმეორებითი მატჩები და ყველა 1/8 ფინალისტის ვინაობა გაირკვა.

ევროპა ლიგის 1/8 ფინალის საგზური მოიპოვეს: ბოდო/გლიმტმა, ალკმაარმა, რომამ, სტიაუა ბუქარესტმა, აიაქსმა, ფენერბახჩემ, პლზენმა და სოსიედადმა.

კონფერენს ლიგის 1/8 ფინალის საგზური მოიპოვეს: ბეტისმა, ბორაცი ბანია ლუკამ, პაფოსმა, კოპენჰაგენმა, ცელიემ, იაგიელონიამ, პანათიანაიკოსმა და მიოლდემ.

21 თებერვალს, შვეიცარიის ქალაქ ნიონში ჩემპიონთა, ევროპა და კონფერენს ლიგის წილისყრები გაიმართება, რომელიც თბილისის დროით 15 საათზე აიღებს სტარტს.