ტურის ერთ-ერთი ცენტრალური შეხვედრა რომში, სტადიო ოლიმპიკოზე გაიმართა, სადაც რომამ ბილბაოს ატლეტიკი მიიღო — გუნდებმა ქულები გაიყვეს.
ანგარიში მასპინძლებმა პირველ ტაიმში გახსნეს. 32-ე წუთზე თავი რომაელთა ფორვარდმა, დოვბიკმა გამოიჩინა და გუნდს პირველი ტაიმი მინიმალური სხვაობით მოაგებინა.
მეორე ნახევარი ორმხრივი შეტევებით წარიმართა და მხოლოდ ერთი გოლი გავიდა. შეხვედრის მიწურულს, 85-ე წუთზე, რომას კარი პარედესმა აიღო და საბოლოო ანგარიში, 1:1 დააფიქსირა.
საინტერესო მატჩი გაიმართა საფრანგეთში, სადაც გიორგი მიქაუტაძის ლიონმა საკუთარ კედლებში ოლიმპიაკოსს უმასპინძლა და მეტოქეს ორი უპასუხო გოლი გაუტანა — თავი ჩერკიმ და ბენრაჰმამ გამოიჩინეს.
აღნიშნულ შეხვედრაში სათადარიგოთა სკამზე მოხვდა ქართველი თავდამსხმელი და მოედანზე მხოლოდ 75-ე წუთზე შევიდა. 20 წუთში გიორგი მიქაუტაძე 6-ჯერ შეეხო ბურთს და Sofascore-სგან 6,6 ქულიანი შეფასება დაიმსახურა.
გიორგი მიქაუტაძის გარდა, დღეს კიდევ ორმა ქართველმა ითამაშა — რიგასის რიგებში ძირითად შემადგენლობაში იყო ლაშა ოდიშარია, ხოლო ლუკა სილაგაძე შეცვლაზე შემოვიდა. მათი გუნდი კი სტიაუ ბუქარესტთან დიდი ანგარიშით, 4:1 დამარცხდა.
დღევანდელი მატჩების შედეგები:
მალმო 0-2 რეინჯერსი;
ფენერბაჰჩე 2-1 როიალ უნიონი;
აიაქსი 4-0 ბეშიქთაში
აინტრახტი 3-3 პლზენი;
ბრაგა 2-1 მაკაბი თელ-ავივი;
ლიონი 2-0 ოლიმპიაკოსი;
რომა 1-1 ბილბაო;
სტიაუა ბუქარესტი 4-1 რიგასი;
ტოტენჰემი 3-0 ყარაბახი.
