მოსკოვის ლოკომოტივის ყოფილმა მწვრთნელმა, იური სიომინმა ხვიჩა კვარაცხელიას შესახებ ისაუბრა. ვეტერანმა თავკაცმა გაიხსენა ქართველ ვინგერთან მუშაობის პერიოდი და აღნიშნა, რომ მისთვის დღემდე გაურკვეველია, თუ რატომ გაუშვეს "რკინიგზელებმა" ახალგაზრდა შემტევი.
"უდავოდ, კვარაცხელია ყველაზე ნიჭიერი ფეხბურთელია, მათ შორის, ვისთანაც ოდესმე მიმუშავია. კარიერის განმავლობაში მან გამოიცვალა არაერთი თავკაცი, მაგრამ ამის მიუხედავად, ხვიჩა თავისი გუნდის წამყვან მოთამაშედ მაინც რჩებოდა. ბათუმში ასპარეზობის დროსაც კი, ქართველი ვინგერი თამაშობდა გუნდზე და არა პირიქით.
რატომ გაუშვეს პარის სენ-ჟერმენის გარემარბი ლოკომოტივიდან? ჰკითხეთ მათ, ვინც ეს გადაწყვეტილება მიიღო. სამწუხაროდ, ჩემი აზრი არ გაითვალისწინეს. როგორც არ უნდა ყოფილიყო, პსჟ-ს ამჟამინდელი მე-7 ნომერი მაინც მოხვდებოდა ევროპაში, მოსკოვური კლუბიდანაც.
"
