2026 წლის ძიუდოს ევროპის ჩემპიონატს თბილისმა უმასპინძლა და ტურნირი საქართველოს სახელმწიფო ჰიმნით დაიხურა. მძიმე წონაში ჩემპიონი გურამ თუშიშვილი გახდა, რომელმაც მესამედ მოიპოვა ევროპული ოქრო და დაჯილდოვების ცერემონიალის დასრულების შემდეგ კომენტარი გააკეთა.
"ძალიან გახარებული ვარ, რადგან მესამედ გავხდი ევროპის ჩემპიონი, მაგრამ ეს ყველაზე მნიშვნელოვანი და ტკბილია. ფინალში კრპალეკს შევხვდი, რომელიც ძალიან რთული მეტოქეა, თუმცა, მაინც მოვახერხე მისი დამარცხება, რაც გულშემატკივრების დიდი დამსახურებაა და მინდა მათ მადლობა გადავუხადო."
"გუნდმა საერთო ჯამში 4 ოქროს, 2 ვერცხლის და 1 ბრინჯაოს მედალი აიღო და ვფიქრობ, რომ ეს ძალიან კარგი შედეგია. შეიძლებოდა 90 კგ-ში ქართული ფინალიც ყოფილიყო, 81-შიც შეიძლებოდა ჩემპიონობა, მაგრამ ძიუდოში რთულია წინასწარ პროგნოზების გაკეთება. საერთო ჯამში გუნდი ძალიან კარგ ფორმაში იყო და ვფიქრობ, რომ ეს მსოფლიო ჩემპიონატზე წაგვადგება" — გურამ თუშიშვილი.
ცნობისთვის, საქართველოს ნაკრებმა 2026 ევროპის ჩემპიონატზე 4 ოქროს, 2 ვერცხლის და 1 ბრინჯაოს მედალი მოიპოვა და გუნდურ ჩათვლაში პირველ ადგილზე გავიდა.
